Hendrikka Waage
Hendrikka Waage
Hendrikka Waage er þekktur alþjóðlegur skartgripahönnuður og er fyrsti Íslendingurinn sem hefur hlotið alþjóðlega viðurkenningu á því sviði. Hendrikka er forseti og einn af stofnendum Alþingis barna sem eru góðgerðasamtök með höfuðstöðvar i Vín, Austurríki.
Hendrikku er margt til lista lagt. Hún er viðskiptafræðingur að mennt með Mastersgráðu í Alþjóðlegum viðskiptum og hefur starfað og búið í mörgum löndum, þ.m.t. Indlandi, Japan, Rússlandi, Banaríkjunum og Bretlandi. Hún er þó fyrst og fremst frumkvöðull með ómældan áhuga á listum.
Árið 2010 sendi Hendrikka frá sér fyrstu barnabók sína, Rikka og töfrahringurinn á Íslandi. Bókin hlaut verðskuldaða athygli bæði hérlendis sem og erlendis. Seinna sama ár kom út önnur bók um káta ferðalanginn, Rikka og töfrahringurinn á Indlandi og hefur hún ekki síður notið vinsælda hjá lesendum.
Hluti af tekjum bóksölunnar rennur til góðgerðasjóðs Alþingis barna, en tilgangur sjóðsins er að skapa heim þar sem allir hafa jöfn tækifæri - án mismununar vegna fjárhagsstöðu, kynþáttar eða trúarskoðana. www.kidsparliament.org
