Kristján Ingi Einarsson
Kristján Ingi Einarsson
Kristján Ingi hefur tekið ljósmyndir frá tíu ára aldri, er hann eignaðist sína fyrstu kassamyndavél. Hann starfaði lengi sjálfstætt sem ljósmyndari fyrir ýmis blöð, tímarit, fyrirtæki og stofnanir, eða þar til ársins 1985 er hann tók við rekstri Leturprents ehf. Hann rak prentsmiðjuna til haustsins 2006 þegar hann seldi fyrirtækið og tók aftur upp myndavélina.
Kristján Ingi hefur haldið margar ljósmyndasýningar og gefið út nokkrar barnabækur. Má þar nefna: Húsdýrin okkar, Krakkar, krakkar og Kátt í koti. Einnig hefur hann tekið ljósmyndir í fjölda kennslubóka. Seinni árin hefur Kristján Ingi lagt áherslu á landslagsljósmyndun.
