Bubbi Morthens
Bubbi Morthens
Bubba Morthens þarf vart að kynna, en hann er einn ástsælasti tónlistarmaður þjóðarinnar. Ástríða Bubba fyrir utan tónlistina (að sjálfsögðu) er veiði. Bubbi féll fyrir Laxá í Aðaldal og Salka gefur út bók hans sem ber hið einfalda heiti: Áin.
Í bókinni rekur Bubbi sögu laxveiða á Nessvæðinu allt frá fyrsta fluguveiðimanninum sem kenndi Þorgrími í Nesi að fara með stöng, til ungu mannanna sem nú ráða ríkjum. Lesandinn fær að kynnst ógleymanlegu fólki; Heimi á Tjörn, Steingrími í Nesi, Lissý á Halldórsstöðum, svo fáir séu nefndir, og lýsingar af glímunni við stórlaxa með sporða á við skóflublað eru spennu hlaðnar.
Ógleymanleg og einstök saga um drottningu laxveiðánna á Íslandi, prýdd stórkostlegum myndum eftir Einar Fal Ingólfsson, Guðmund frá Miðdal og fleiri laxveiðiáhugamenn.
