Guðjón Ragnar Jónasson
Guðjón Ragnar Jónasson
Guðjón Ragnar Jónasson er fæddur í Reykjavík árið 1974. Um tíma var hann bóndi í Fljótshlíð, enda menntaður búfræðingur frá Hvanneyri. Í dag er hann hinsvegar kennari í Austurbæjaskóla í Reykjavík.
Auk þess stundar hann doktorsnám í íslensku við Háskóla Íslands, M.Pead-prófi lauk hann frá KHÍ. Guðjón á einn 8 ára gamlan son og hefur mestan áhuga á skriftum og svo sjálfu lífinu.
Með hetjur á heilanum er fyrsta bókin hans og auk þess að vera stórskemmtileg saga, er hún tilvalin fyrir þá sem vilja auka við orðaforða sinn, því í lok hvers kafla eru orðaskýrningar.
