Barbara Berger
Barbara Berger
Barbara Berger er fædd í Bandaríkjunum en býr nú og starfar í Danmörku. Hún hefur skrifað margar sjálfsræktarbækur sem hafa verið hver annarri vinsælli víða um heim, m.a. í Bandaríkjunum og í Evrópu.
Í dag rekur hún ásamt syni sínum Tim Ray bókaútgáfuna BeamTeam Books sem hefur aðsetur í Kaupmannahöfn. Hægt er að fræðast nánar um störf þeirra og útgáfu á heimasíðunni www.beamteam.com.
Barbara Berger og Tim Ray hafa tvisvar komið til Íslands til að halda fyrirlestra. Fyrst komu þau í mars 2004 og í síðara skiptið komu þau í apríl 2005. Þær bækur Barböru sem komið hafa út í íslenskri þýðingu hafa hlotið verðskuldaða athygli og verið á metsölulistum bókaverslana svo vikum skiptir.
