Önnur bók ársins komin út – Sálmurinn um glimmer

Auður Ava Ólafsdóttir hefur sent frá sér sína fyrstu ljóðabók sem nefnist Sálmurinn um glimmer.

Um er að ræða 57 blaðsíðna söguljóð þar sem tekist er á við ástríður, þjáningu, dauða, endurfæðingu, tungumálið eða skáldskapinn og fegurðina sem „bjargar heiminum á endanum“.

Auður Ava vinnur að leikriti og nýrri skáldsögu.

Síðasta skáldsaga hennar, Afleggjarinn sem fékk Menningarverðlaun DV og var tilnefnd til Bókmenntaverðlauna Norðurlandalandaráðs, hlaut mikið lof í Danmörku og kemur innan skamms út í Frakklandi og Þýskalandi. 



Sálmurinn um glimmer er í kiljubroti, 57 bls. og prentuð hjá Viðey. Salka gefur út.

þá kem ég aftur
og kem þó ekki til fulls
þyrla upp þurru vori
veginn sem ég fer þekkirðu
nýjan veg um lækkað fjall og
hækkaðan dal
fullan af ljósi
heilsa nýjum himni
búin að tvöfalda kyn mitt
á eyðisandinum bikasvarta