Auður Ava Ólafsdóttir hefur sent frá sér sína fyrstu ljóðabók sem nefnist Sálmurinn um glimmer.

Um er að ræða 57 blaðsíðna söguljóð þar sem tekist er á við ástríður, þjáningu, dauða, endurfæðingu, tungumálið eða skáldskapinn og fegurðina sem „bjargar heiminum á endanum“

Síðasta skáldsaga Auðar, Afleggjarinn sem fékk Menningarverðlaun DV og var tilnefnd til Bókmenntaverðlauna Norðurlandalandaráðs, hlaut mikið lof í Danmörku og kemur innan skamms út í Frakklandi og Þýskalandi.

Lesa meira

Nýverið veitti Gourmand akademían verðlaun fyrir bestu uppskriftabækururnar sem valdar voru úr gríðarlegum fjölda og urðu tvær bækur frá SÖLKU fyrir valinu. Önnur verðlaun í flokki fiskiuppskriftabóka fékk Spriklandi lax í boði veiðikokka og í flokki franskra matreiðslubóka fékk bókin Sælkeragöngur um París – og 60 uppskriftir að hamingjunni á Parísarvísu þriðju verðlaun.

Heimsfrægir matreiðslumenn tóku þátt í keppninni, og meðal verðlaunahafa voru Jamie Oliver, Alain Ducasse og Michel Troisgros.

Loksins er nýr vefur Sölku kominn í loftið; ítarlegri en þó aðgengilegri en fyrirrennarar hans. Við höfum bætt við upplýsingum, tenglum, myndum og tengst enn öruggara sölukerfi. Það er von okkar að hann bæti á allan hátt verslun sem og leit að titlum og upplýsingum. Vefurinn er þó og verður í sífelldri vinnslu, en við leggjum okkur fram við að hafa allar upplýsingar réttar og nýjar.

Ef einhverjar athugasemdir eru við efni síðunnar þætti okkar vænt um að fá um það línu á gudrun@salkaforlag.is