Orðayndi

Hekla Björk Guðmundsdóttir listakona á heiðurinn að kápumyndinni og Guðrún Birna Ólafsdóttir hannaði og braut um.

HUGARBLÓM
 
úti nötraði ískaldur vindur
en ylur þinn
fór um hjarta mitt
 
sem sálarfluga
saug ég hunang
úr hugarblómi þínu
 
að sættast við myrkrið
er ekkert mál
ef ljósið í augum þínum
fer ekki frá mér
 
saman reynum við
að gleðjast yfir því
sem við áttum
og við grátum síst
það sem við eigum ekki
 
ég er sáttur við þig
sama hvert útlitið er
en mér er ekki sama
hvernig þér líður
innst inni