Afleggjarinn - kilja

Afleggjarinn hlaut bæði Menningarverðlaun DV í bókmenntum og Bókmenntaverðlaun kvenna, Fjöruverðlaunin árið 2008.

Auður A. Ólafsdóttir hefur gefið út þrjár skáldsögur: Upphækkuð jörð (1998), Rigning í nóvember (2004) og Afleggjarinn (2007). Hún er lektor í listfræði við Háskóla Íslands. Bókstafurinn A. í millinafni höfundar stendur fyrir Ava sem er kaþólskt skírnarnafn Auðar. Heilög Ava var blindur miðaldadýrlingur.

Læknablaðið birti skemmtilegt viðtal við Auði um Afleggjarann.

"Tvímælalaust ein af sterkustu skáldsögum ársins."
(B. Þ. V. Morgunblaðið)

„Afleggjarinn rífur sig úr viðjum hins hefðbundna en um leið er sagan uppfull af trúarlegum táknum, listfræðilegum vísunum og heimspekilegum átökum um tilvist mannsins. Hér er sleginn nýr tónn í íslensku samhengi.“
(Dómnefnd Menningarverðlauna DV)

„Áhrifamikil saga sem kemur á óvart með karllýsingu sem hlýtur að teljast ný
 í íslenskum bókmenntum.“
(Dómnefnd Fjöruverðlaunanna)