Skáldverk

Ritstjórn: Helga K. Einarsdóttir

Íslensk náttúra í öllum sínum margbreytileik er viðfangsefni ljóðanna í þessari bók. Vetrarstormar, sumarnætur, vorblær og haustmyrkur. Allt mótar þetta skáldin, hvort sem þau yrkja um átök manns og náttúru eða fegurðina sem hvarvetna blasir við.Tími ljóðanna er allt frá Völuspá til loka 20. aldar.

Höfundur: Þóra Ingimarsdóttir

Í þessari fyrstu bók Þórunnar er að finna úrval ljóða sem hún hefur ort í gegnum tíðina. Tregablandinn tónn einkennir ljóð hennar og oftar en ekki er fjallað um angist manneskjunnar gagnvart víðsjálum heimi þar sem helsta athvarfið er náttúran sem á undir högg að sækja.

Þýðing: Pjetur Hafstein Lárusson

Kínversk og japönsk ljóð hafa löngum verið í hávegum höfð, enda fáguð með afbrigðum. Bókin geymir skáldskap frá 8. öld, allt fram til okkar daga í vandaðri þýðingu og einstaklega fögur ljóð eftir japanskar konur skipa drjúgan sess.

Stefanía G. Gísladóttir er gift áströlskum manni og eiga þau 4 börn. Eftir 10 ára búskap í Seldal, fluttu þau til Vestur-Ástralíu og eru nú búsett í þorpinu Kendenup. Hún hefur áður sent frá sér nokkrar bækur. Hér fléttar hún saman endurminningar og stemmingar úr umhverfi sínu í ólíkum heimsálfum.

Höfundur: Carl - Frode Tiller

Þýðandi: Kristján Guttesen

Brekkan er afar áhrifamikil verðlaunasaga um ungan mann sem dvelur á réttargeðdeild. Hann skrásetur brotakenndar minningar sínar uns til verður heildarmynd af einstaklingi sem dregur lesandann í kæfandi heim geðveikinnar. Bókin skilur eftir samúð og skilning og opnar augu lesandans fyrir vanda þeirra sem glíma við geðveiki.

Þýðandi: Þórunn Hjartardóttir

Bulgari sambandið er jafn ekta og skartgripirnir frá Bulgari. Þetta er saga um ástir og örlög, afbrýði, losta og græðgi. Völd, hefnd, mútur og mafíu, nunnur og drauga. Konur og karlar takst á, atburðarásin er ófyrirsjáanleg og loks stendur ekki steinn yfir steini. Húmorinn og háðið sem Fay Weldon er frægust fyrir er allsráðandi. Henni er ekkert heilagt!

Íslensk þýðing: Ragnheiður Bjarnadóttir

Viltu koma með í brjálað búðaráp með Rebeccu Bloomwood? Viltu kynnast ástum hennar og örlögum? Rebecca er kaupóður lygalaupur sem heillar lesendur með meinfyndnum uppátækjum og dagdraumum sem ná ekki nokkurri átt ... eða hvað?Hér kemur fyrsta af nokkrum metsölubókum um gelluna sem leynist í hjarta okkar allra ...

Höfundur: Michéle Roberts

Íslensk þýðing: Fríða Björk Ingvarsdóttir

Thérese og Léonie læðast um gamla húsið í Normandy og grufla í fortíðinni. Upp á yfirborðið koma ýmis óþægileg leyndarmál frá gamalli tíð sem hafa afgerandi áhrif á viðkvæmar sálir og móta líf þeirra upp frá því. Þegar frænkurnar hittast eftir tuttugu ára aðskilnað gera hinar sáru minningar samfundinn nær óbærilegan. Grímurnar falla og þær verða að gera upp fortíðina.

Eftir Pál Ólafsson liggur mesta safn ástarljóða nokkurs íslensks skálds. Nú er þessum arfi í fyrsta sinn safnað í eina bók og birtur fjöldi kvæða og vísna sem ekki hafa áður sést á prenti. Þórarinn Hjartarson tók efnið saman. Hann hefur áður fengist við Pál Ólafsson og sýnt fram á að fá skáld, ef nokkur, eru söngrænni en Páll og hann á sinn stað í hjarta þessarar þjóðar.

Höfundur: Marita van der Vyver

Íslensk þýðing: Rannveig Jónsdóttir

Gréta er týnd í skóginum. Maðurinn hennar hefur sparkað henni út, hún er búin að missa barnið sitt og var að því komin að stinga höfðinu inn í bakarofninn - en hvað sem á gengur glatar hún ekki sinni kómísku sýn á tilveruna. Hún er að byggja upp nýtt líf með vinum sínum og ættingjum, bæði látnum og lifandi.

Höfundur: Anna Margrét Stefánsdóttir

Anna Margrét Stefánsdóttir fjallar hér um afar persónulega lífsreynslu og veitir innsýn í sorgarferli sem margir þekkja - að horfa á eftir barni sem aldrei leit dagsins ljós. Í ljóði og myndum endurspeglast innri átök höfundar sem tekst að okum að ná sátt og hofra með bjartsýni fram á veginn.

Lík af ungbarni finnst í frystikistu í ruslagámi. Andrea rannsakar málið og áður en hún veit af teygir það anga sína hálfa öld aftur í tímann og fólki af öllum þjóðfélagsstigum.

Guðrún Hannesdóttir er löngu kunn fyrir barnabækur sínar og myndskreytingar. Auk þess hefur hún lengi unnið að því að safna gömlum vísum fyrir börn. Fléttur eru fyrsta ljóðabók hennar. Aðeins örfá ljóð hennar hafa áður birst á prenti. Árið 2007 hlaut hún Ljóðstaf Jóns úr Vör í samnefndri ljóðakeppni fyrir ljóðið Offors.

Þýðandi: Fríða Björk Ingvarsdóttir

Sylvia Plath var eitt virtasta skáld seinni hluta 20. aldar í Bandaríkjunum. Saga hennar, Glerhjálmurinn, er áhrifamikil lýsing á reynslu einstaklings sem ratar eftir miklar hremmingar út úr myrkviðum dýpstu sálarangistar - og endurfæðist í andlegum skilningi. Þessi margslungna saga er talin ein merkasta perla heimsbókmenntanna.

Hátt uppi við Norðurbrún er snargeggjuð nútímaskáldsaga sem greinir frá lífi og örlögum Öddu Ísabellu, sem rekur mínigeðdeild uppi í rúmi í svenfherberginu sínu. Rúmið gefur vel af sér bæði mannauð og peninga og þaðan stjórnar hún lífi sínu og annarra. Adda Ísabella er sérfræðingur í sannleikanum um aðra, en saga hennar er aðeins sönn að einu leyti hún er ekki þroskasaga.

Kristín hefur skrifað magnaða skáldsögu þar sem óviðjafnanlega ljóðrænn og leikandi texti kemur sífellt á óvart og undirstrikar fáránleikann sem einkennir mannleg samskipti í stríðshrjáðri veröld.

Andrea býr i Kaupmannahöfn og fær neyðarkall að heiman frá tvíburasystur sinni sem hún hefur ekki talað við í þrjú ar. Hennar bíða skelfilegar fréttir og fyrr en varir er hún flækt í undarlega atbruðarás sem ekki verður séð fyrir endann á. Ýmislegt úr fortíðinni skríður upp á yfirborðið og blandast núverandi atburðum á dularfullann hátt.

Höfundur: Hallgerður Gísladóttir. 

Hallgerður sendi frá sér og ritstýrði nokkrum bókum en Í ljós var fyrsta ljóðabók hennar sem gaf fyrirheit um frjóan skáldferil. Bókin fékk mikla athygli og góða dóma þegar hún kom út haustið 2005.

Kristín kvaddi sér hljóðs fyrir nítján árum og vakti þá strax athygli fyrir frumlegan og prakkaralegan stíl. Hún hefur sent frá sér á annan tug verka, leikrit, ljóðabækur, skáldsögur og smásögur.

Íslensk þýðing: Ragnheiður Bjarnadóttir

Sjálfstætt framhald af hinni geysivinsælu bók um Draumaveröld kaupalkans, um hina jákvæðu og hrifnæmu Becky, sem segir kannski ekki alltaf alveg satt, en er samt alltaf jafn einlæg og heillandi.

Höfundur: Þóra Jónsdóttir frá Laxamýri

Þóra Jónsdóttir frá Laxamýri er ein athyglisverðasta samtímaskáldkona okkar. Hún yrkir meðal annars um ástina, náttúruna og órjúfanleg tengsl við fortíðina. Fyrsta ljóðabók Þóru, Leit að tjaldstæði, kom út 1973, en síðan hefur hún sent frá sér átta bækur auk ljóðaþýðinga. Landið í brjóstinu er safn úrvalsljóða úr öllum bókunum.

Höfundur: Margrét Lóa Jónsdóttir. 

Ína Karen stendur á krossgötum og kannar nýja stigu í fleiri en einum skilningi. Hún yfirgefur mann sinn og barn og á ferðalagi um Spán kynnist hún ástinni með óvæntum hætti. Í brennandi sólinni skrásetur hún hugleiðingar og atburði og reynir að nálgast sjálfa sig og ástvini sína upp á nýtt.

Höfundur: Carolyn Parkhurst

Þýðandi: Anna M. Sigurðardóttir

Hvað gerir maður sem missir eiginkonu sína eftir kjánalegt fall úr eplatré? Eina vitnið að þessum harmleik er Lorelei, en hún er ekki til viðræðu um það sem gerðist, enda hundur. - Og hvað er þá til ráða?

Ljóðmælandinn dvelur á draugasetri þar sem draumar og veruleiki verða eitt. Þar sem dauðir ríkja og enginn tími líður. Hér er á ferðinni sjötta ljóðabók höfundar en hann hefur getið sér orð fyrir persónulegan stíl.

Hér er um að ræða leikandi létt sléttubönd í sauðalitunum og framúrskarandi lopaljóð skreytt fallegum ljósmyndum eftir höfundinn.

Íslensk þýðing: Aldís Björnsdóttir

Bók eftir Sophie Kinsella, höfund metsölubókanna um kaupalkann síglaða. Sagan um Lexí og hennar litríku fjölskyldu, vini - og ástmenn er ógleymanlega fyndin ástar- og harmsaga sem engin alvöru skvísa má missa af.

Með stein í skónum er smásagnasafn eftir dr. Ara Kr. Sæmundsen, framkvæmdastjóra. Um er að ræða 13 stórsniðugar smásögur sem segja m.a. af misheppnuðu bankaráni, hremmingum sumarbústaðareiganda við girðingarvinnu og dreng sem þráir að fá bjúga í jólamatinn af því honum finnast rjúpur vondar.

Sögupersónan er rithöfundur sem er á mörkum ljóss og myrkurs og sér svipmyndir úr lífi sínu renna hjá eins og í kvikmynd. Hann tekur þátt í andófinu og gerir tilraunir með eiturlyf, þau leysa úr læðingi ókunn öfl. Hér fara saman skörp myndskeið og hugrenningar sem gefa lesendum aðra sýn á veruleikann.

Myndskreyting: Einar Hákonarson. 

Nóttin og alveran er safn 11 smásagna. Þær eiga það allar sameiginlegt að fjalla um einsemd mannsins - sem á það til að leita svo sterkt á sálina að hann kýs að sitja hjá og virða fyrir sér sjónarspil heimsins.

Á tímum þrenginga blómstrar ástin. Fólk virðist frekar finna hjá sér þörf fyrir að deila hugsunum og tilfinningum með ástvinum. Bókinni fylgir umslag, en hún í mjóu kiljubroti og því tilvalin til að senda ástrík orð í pósti.

Ylfa er metnaðargjarn lögmaður og hamingjusöm kona. Hún skreppur í gæsaferð með vinkonum sínum og sogast inn í atburðarás sem umturnar lífi hennar. Vinkonurnar lenda í ótrúlegum ævintýrum og kynnast hver annarri á nýjan hátt.

Auður hefur sent frá sér sína fyrstu ljóðabók sem nefnist Sálmurinn um glimmer.

Höfundur: Margrét Lóa Jónsdóttir

Margrét Lóa hefur skipað sér sess meðal bestu skálda okkar með ágengum stíl og einlægni. Hún er löngu þekkt fyrir ljóðabækur og sendi frá sér sína fyrstu skáldsögu árið 2004, Laufskálafuglinn.

Höfundur: Richard Brautigan

Þýðandi: Gyrðir Elíasson

Vatnsmelónusykur er saga um ást og svik í undarlegum heimi þar sem húsin eru gerð úr steinum og vatnsmelónusykri og sólin skín í ólíkum litum sérhvern dag.

Hér er endurútgefinn fyrsti hluti hins heimfræga og áhrifamikla verks Vilhelms Moberg um fjölskylduna sem flutti frá Smálöndum í Svíþjóð vestur um haf og hóf nýtt líf í Ameríku um miðja 19. öld. Ógleymanlegt verk öllum sem sáu sjónvarpsþættina vinsælu.

Hér er endurútgefinn fyrsti hluti hins heimfræga og áhrifamikla verks Vilhelms Moberg um fjölskylduna sem flutti frá Smálöndum í Svíþjóð vestur um haf og hóf nýtt líf í Ameríku um miðja 19. öld. Ógleymanlegt verk öllum sem sáu sjónvarpsþættina vinsælu.

Sögukona er skáld og sjúkraliði sem tengist manni órjúfanlegum böndum á dánarbeði hans. Hann segir henni ótrúlega sögu sem hún ber ábyrgð á að koma til réttra aðila – og á réttan hátt. En hve mikil áhrif hefur fortíðin á nútíðina og hvenær má satt kyrrt liggja?