Valmynd.
Íslensk þýðing: Þóra Sigríður Ingólfsdóttir
Í bókinni er að finna leiðbeiningar um hvernig hægt er að fá það besta út úr lífinu þrátt fyrir annríki nútímans. Hún er sérstaklega skrifuð fyrir konur og í henni eru sjötíu kaflar sem hver og einn afhjúpar leyndarmál og leiðbeiningar til að finna hina vandfundnu leið til fullnægjandi lífs.
Harðband
Þetta er gjöfin handa þeim sem þér þykir vænst um, bók sem allar nútímakonur ættu að hafa aðgang að til að byggja sig upp. Bókin er sérstaklega skrifuð fyrir konur en höfundurinn hefur ferðast um víða veröld í leit að hinni vandfundnu leið til fullnægjandi lífs. Þessi eigulega bók er löngu orðin sígild og viðurkennd meðal kröfuharðra lesenda.
Fegraðu líf þitt afhjúpar 70 leyndarmál til að fegra og bæta lífið og auka vellíðan þína og þeirra sem þú umgengst. Henni má fletta aftur og aftur, einkum þegar þú þarfnast uppörvunar í amstri dagsins eða þig vantar huggunarorð handa bestu vinkonu þinni, elskhuga eða vini.
Victoria Moran er þekktur fyrirlesari og höfundur fjölmargra bóka um listina að lifa. Með jákvæðum huga hefur henni tekist að þróa öflugar aðferðir til að gæða hversdagslífið töfrum og efla innri frið og hugarró. Reynslu sinni og visku miðlar hún á einfaldan og greinargóðan hátt og vísar á leiðir til að öðlast kjark og yfirvegun; sjálfstraust, bjartsýni og vellíðan svo þú megir njóta hverrar stundar til fulls.
forlag með sál
forlag með sál