Ferðalagið að kjarna sjálfsins

Hún hjálpar einstaklingum að ná tökum á streitu og álagi. Heilunarkraftur Max og jákvæð lífsýn hefur kennt mörgum að virkja sína eigin hæfileika til að öðlast jafnvægi og hamingju og gera lífið innihaldsríkara

„Ég gerði Max að fararstjóra á ferðalagi mínu um andlega heima. Því er þessi bók um líf hennar og starf nú komin út á íslensku. Vonandi verður hún til þess að fleiri leggja upp í ferðalag og finni sinn fararstjóra."

- Jón Ólafsson

„Max fer með okkur víða: Um Haítí, Suður Ameríku og New York, en á þessum stöðum starfaði hún á yngri árum við barnahjálp og stuðning við götubörn. Max er þekkt sem andlegur miðill og hefur verið með eigin útvarpsþætti, m.a. hér á Íslandi. Bókin kennir lesandanum ýmislegt varðandi streitulosun, lífsviðhorf og lífsorku og hvernig hægt er að ná góðu jafnvægi og þroska með eigin hugarorku. Læsileg, skýr og skemmtilega skrifuð bók!"

- Birgir Þórðarson

„Max er mikil manneskja og miðlar á mannlegan hátt ... "

- Elín Edda Árnadóttir

„Max vakti strax forvitni mína með óvenjulegri nálgun að grundvallarþáttum sem snerta lífsmynstur, hegðun og hugsun. Henni tekst að örva jákvæða sjálfsrýni og laða fram heilsteyptari afstöðu til hlutanna. Skilaboð á við þessi koma tvímælalaust flestum að gagni."

- Ragnhildur Gísladóttir