Sælkeragöngur um París

Ein er sú list sem hefur ávallt skipað stóran sess í lífi Frakka en það er matargerð. Fyrir þeim snýst hún ekki bara um fæðu; hún heldur fjölskyldunni saman, eflir vinatengsl og vekur vellíðan og gleði.

Sigríður hefur búið öll sín fullorðinsár í Frakklandi en þó er gestsaugað glöggt og að þessu sinni leiðir hún okkur um hverfi Parísarborgar sem eru tuttugu talsins. Af einlægri frásagnargleði lýsir hún hverju hverfi fyrir sig, íbúum þess, lífi og sögu. Í lok hvers kafla eru síðan dásemdaruppskriftir að forrétti, aðalrétti og eftirrétti að hætti hverfisins og Parísarbúa.

Silja gengur með móður sinni um borgina og fangar hina einstöku Parísarstemningu með myndavélinni.