Rikka og töfrahringurinn

Hendrikka Waage

Rikka á töfrahring og með hans hjálp getur hún ferðast í tíma og rúmi um víðáttur Íslands ásamt vinkonu sinni. Bókin bregður upp myndum af áhugaverðum stöðum og skemmtilegum ævintýrum sem börn geta lent í á töfralandinu Íslandi og höfðar til barna á öllum aldri.

Harðspjalda

Tilgangurinn er að skapa löngun hjá smáfólkinu til að ferðast um landið og njóta dásemda náttúrunnar. Þetta er einnig dálítil fræðslusaga sem vekur okkur til meðvitundar um hvers vegna við eigum að gæta jarðarinnar fyrir komandi kynslóðir.

Þetta er fyrsta bókin í bókaröð af svipuðum toga, sem ætlað er að kanna spennandi og framandi lönd sem hvert og eitt býr yfir sínum sérkennum og menningu.
Mikið er þetta falleg saga. Og svo er hún líka kennslustund í landafræði. Það var unaðsleg reynsla að fá að kynnast Íslandi með augum yngstu kynslóðarinnar. Boðskapur sögunnar er greinilega sá að við eigum að láta gott af okkur leiða, vera væn og vingjarnleg – og biðja þess að heimurinn verði réttlátari og friðvænlegri. Þakka þér, Hendrikka, fyrir að leyfa okkur að kynnast barninu í sjálfri þér.
Betty Williams – friðarverðlaunahafi Nóbels