7-10 ára

Höfundur: Bryndís Guðmundsdóttir

Myndskreyting: Margrét E. Laxness

Systkinin Ásdís og Óli eiga mömmu sem er öðruvísi en aðrar mömmur. Hún er samt besta mamma í heimi og minnir okkur á að engir tveir eru eins og hver manneskja er einstök. Einstök mamma hlaut barnabókaverðlaun Menntaráðs Reykjavíkurborgar 2008.

Til allrar hamingju er það ekki hlutskipti margra lítilla barna að dvelja langdvölum á sjúkrahúsi, fjarri fjölskyldu og vinum. Það fékk þó Lovísa María Sigurgeirsdóttir frá Hrísey að reyna og í bókinni Ég skal vera dugleg rifjar hún upp dvöl sína á Fjórðungssjúkrahúsinu á Akureyri þegar hún var lítil stelpa upp úr 1960.

Höfundur: Karen Levine

Íslensk þýðing: Vilborg Dagbjartsdóttir

Samantekt: Björk Bjarnadóttir

Myndskreyting: Guðrún Tryggvadóttir

Sagnir af landvættum og kynjadýrum hafa verið á vörum þjóðarinnar frá aldaöðli. Hér er að finna þjóðsögur sem veita innsýn í hinn fjölbreytilega og ævintýralega sagnaheim fyrr á tímum.

Teikningar: Þórir Karl Bragason Celin. 

Erla vaknar einn morguninn við það að allir í kringum hana eru farnir að rífast. Áður en hún veit af er hún lent í miðjum Álfheimum.

Going Fishing er ensk útgáfa af bókinni Til fiskiveiða fóru. Þar segir frá dreng sem fer á veiðar með afa sínum og lærir ýmislegt um fisk og fiskveiðar. Íslendingar eru fiskveiðiþjóð. Það eru fiskar á peningunum og fiskar á frímerkjunum. Bruce McMillan hefur samið og myndskreytt margar barnabækur um Ísland.

Myndskreyting: Búi Kristjánsson

Hér er komin enn ein perlan frá hinum góðkunna og vinsæla rithöfundi Iðunni Steinsdóttur. Lítil eyja úti í Atlantshafi verður til. Loftandar og sæbúar hafa fylgst spenntir með tilurð landsins, og með hverju fjalli, fossi, klett og jökli verða til kraftmiklar og allsérstakar landvættir. Sumar eru brennheitar og aðrar ískaldar, það er kannski þess vegna sem þær eiga í sífelldum erjum.

Höfundur: Bryndís Bragadóttir

Myndir: Brian Pilkington

Í þessari leikjabók er leitast við að setja saman á einn stað sem fjölbreyttast úrval af leikjum, keppnum og þrautum sem nota mætti við hin ýmsu tækifæri. Leikirnir henta vel til skemmtunar og gamans í barnaafmælum og á mannamótum eða heima þar sem fjölskyldan er saman á góðri stund.

Höfundur: P.L. Travers

Myndskreyting: Mary Shepard

Íslensk þýðing: Hallur Hermannsson

Hefur þú orðið þess heiðurs aðnjótandi að kynnast Mary Poppins? Þeir sem það hafa gert vita að hún er engin meðalkona og þeir vita líka að hún hefur lag á því að gera heiminn okkar skemmtilegri - og örlítið skringilegri en ella.

Myndskreyting: Freydís Kristjánsdóttir

Rammíslensk og nútímaleg sveitasaga fyrir alla þá sem hafa gaman af raunverulegum - og óraunverulegum sögum. Með hetjur á heilanum er fyrsta saga Guðjóns Ragnars Jónassonar en hann er kennari með M.Paed-próf í íslensku. Í lok hvers kafla eru orðskýringar og því er bókin tilvalin fyrir þá sem vilja auka orðaforða sinn.

Höfundur: Hulda Ólafsdóttir

Myndskreyting: Jean Antoine Posocco. 

Karl Theódór er sólskinsbarn. Samt var svo mikil rigning daginn sem hann fæddist að fólkið í Keflavík, bænum þar sem hann bjó, hafði aldrei vitað annað eins ... Karli Theódór finnst gaman í leikskólanum og enn skemmtilegra þegar hann byrjar í 1.bekk. Hann hefur brennandi áhuga á öllu í kringum sig, hvort sem það er sandkassaleikur, lífið í skólanum, fótbolti eða heimsmálin.

Í litlu fiskiþorpi á Íslandi eru tveir bátar að fara í róður. Friðrik Örn fær að fara með öðrum þeirra. Friðrik afi hans veiðir á stöng. Haddi afi notar net til að veiða hrognkelsi, sem er ekki fallegasti fiskur í heimi. Bókin er skreytt fjölda ljósmynda frá Breiðafirði og í lok bókarinnar eru fræðslukaflar um þorskinn og hrognkelsið. Íslandsvinurinn Bruce Mcmillan er einnig höfundur hinna geysivinsælu og verðlaunuðu Hænur eru hermikrákur.

Höfundur: Moni Nilsson-Brattström

Þýðandi: Friðrik Erlingsson

Tsatsiki fer nú til Grikklands og kynnist pabba kolkrabba. Margt gerist hjá 7 ára strák, ástamálin fara að flækjast og kannski er Marteinn hlandrotta orðinn fyllirotta!