Barnabækur

Drawings: Jean Antoine Posocco

Airplane Kisses is a warm and moving story about maintaining family bonds in our global society. It is a story about a boy named Daniel who lives in Iceland and his Grandma who lives in America.

Arngrímur apaskott gengur fram á Sólrúnu sem er að spila á fiðlu. Hann heillast af seiðandi tónunum og ætlar sér að ná fiðlunni - hvað sem það kostar!

Myndir: Bjarni Þór Bjarnason

Lítil útgáfa af hinni vinsælu Bínu bálreiðu, hentug í skó, vasa, ferðalagið eða bara beint í lítin lófa.

Myndskreytingar: Bjarni Þór Bjarnason

Höfundurinn er talmeinafræðingur hjá Talþjálfun Reykjavíkur. Hún hefur langa reynslu af því að styrkja boðskiptafærni og efla málþroska hjá ungum börnum. Bókin Bína bálreiða byggir á þeirri reynslu.

Myndir: Bjarni Þór Bjarnason

Hin vinsæla Bína í litlu og léttu bókarbroti. Bína kvíðir fyrir að byrja í leikskólanum. Hún er ekki viss um að mamma komi að sækja hana og hún veit ekki alltaf hvernig hún á að hegða sér innan um hina krakkana.

Myndir: Bjarni Þór Bjarnason

Lítil og handhæg útgáfa af þessari vinsælu Bínubók. Bína er að byrja í skólahóp í leikskólanum. Hún lærir að ríma, leika sér með orð og uppgötvar hljóð bókstafanna.

Lúlú finnst gaman að vera til. Dagurinn hjá Lúlú er fullur af litlum ævintýrum sem auðga ímyndunarafl ungra barna. Florence Helga er alin upp í Frakklandi en heldur tryggð við Ísland, land móður sinnar, með því að senda ungum íslendingum fallegar og litríkar Lúlúsögur.

Höfundur: Bryndís Guðmundsdóttir

Myndskreyting: Margrét E. Laxness

Systkinin Ásdís og Óli eiga mömmu sem er öðruvísi en aðrar mömmur. Hún er samt besta mamma í heimi og minnir okkur á að engir tveir eru eins og hver manneskja er einstök. Einstök mamma hlaut barnabókaverðlaun Menntaráðs Reykjavíkurborgar 2008.

Þýðing: Vilborg Dagbjartsdóttir

Lesari: Bessi Bjarnason

Tveir geisladiskar með bráðskemmtilegu efni um prakkarann Emil í Kattholti. Vönduð þýðing. Skemmtilegur flutningur.

Höfundur: Karen Levine

Íslensk þýðing: Vilborg Dagbjartsdóttir

Teikningar: Jean Antoine Posocco

Skemmtileg og hjartnæm saga um væntumþyggju og vináttu sem berst heimsálfa á milli. Daníel býr á Íslandi og amma hans í Ameríku. Þeim finnst gaman að hittast en erfitt að kveðjast.

Samantekt: Björk Bjarnadóttir

Myndskreyting: Guðrún Tryggvadóttir

Sagnir af landvættum og kynjadýrum hafa verið á vörum þjóðarinnar frá aldaöðli. Hér er að finna þjóðsögur sem veita innsýn í hinn fjölbreytilega og ævintýralega sagnaheim fyrr á tímum.

Teikningar: Þórir Karl Bragason Celin. 

Erla vaknar einn morguninn við það að allir í kringum hana eru farnir að rífast. Áður en hún veit af er hún lent í miðjum Álfheimum.

Höfundur: Iðunn Steinsdóttir

Mikill voði steðjar að Humlabyggð þegar Elvína, ævaforn jarlsfrú, rís upp frá dauðum. Það er aðeins eitt til bjargar og það er að finna Vísdómsbókina sem hefur verið týnd í margar aldir. Hún geymir ótal töfraþulur sem geta skipt sköpum fyrir sögupersónurnar.

Going Fishing er ensk útgáfa af bókinni Til fiskiveiða fóru. Þar segir frá dreng sem fer á veiðar með afa sínum og lærir ýmislegt um fisk og fiskveiðar. Íslendingar eru fiskveiðiþjóð. Það eru fiskar á peningunum og fiskar á frímerkjunum. Bruce McMillan hefur samið og myndskreytt margar barnabækur um Ísland.

Myndskreyting: Sigurborg Stefánsdóttir

Grautardallssaga fjallar um karl og kerlingu í koti sínu sem áttu einn son. Þau voru bláfátæk og áttu ekkert sér til bjargar nema grautardall sem aldrei þraut grautinn í. Þó að kotbúar væru leiðir á grautnum sá karlinn að dallurinn var öldungis ómissandi því hann var það eina sem hélt í þeim lífinu. Klassískt ævintýri um karlsson og kóngsdóttur.

Myndskreyting: Kristín Arngrímsdóttir

Leppalúða bregður heldur betur í brún þegar hann sér að Grýla er komin með ógnarstóran maga. Kannski á hún von á fjórtánda jólasveininum? Leppalúði og jólasveinarnir ákveða að fara með hana til borgarinnar á spítala.

Myndskreyting: Gunnella

Íslensk þýðing: Sigurður A. Magnússon

Sagan fjallar um nokkrar konur í litlu íslensku sjávarplássi sem vantar egg til matseldar og ákveða að fá sér nokkrar hænur. Þegar hænurnar hætta að verpa finna þær leið til að leysa vandann. Þetta er bók fyrir þriggja til sjö ára börn en allir aldursflokkar geta notið hinna glæsilegu málverka Gunellu sem prýða bókina.

Myndskreyting: Kristín Arngrímsdóttir

Í bókinni eru tvær jólasögur, annars vegar Jólasveinarnir í Hamrahlíð og hins vegar Jólabaðið. Báðar sögurnar fjalla um heimsókn jólasveinanna til byggða og nú sem endranær er mikið fjör þar sem þeir bræður eru.

Myndskreyting: Búi Kristjánsson

Hér er komin enn ein perlan frá hinum góðkunna og vinsæla rithöfundi Iðunni Steinsdóttur. Lítil eyja úti í Atlantshafi verður til. Loftandar og sæbúar hafa fylgst spenntir með tilurð landsins, og með hverju fjalli, fossi, klett og jökli verða til kraftmiklar og allsérstakar landvættir. Sumar eru brennheitar og aðrar ískaldar, það er kannski þess vegna sem þær eiga í sífelldum erjum.

Höfundur: Bryndís Bragadóttir

Myndir: Brian Pilkington

Í þessari leikjabók er leitast við að setja saman á einn stað sem fjölbreyttast úrval af leikjum, keppnum og þrautum sem nota mætti við hin ýmsu tækifæri. Leikirnir henta vel til skemmtunar og gamans í barnaafmælum og á mannamótum eða heima þar sem fjölskyldan er saman á góðri stund.

Dagurinn hjá Lúlú er fullur af litlum ævintýrum sem auðga ímyndunarafl ungra barna. Í þessari fallega myndskreyttu jólabók hlakkar Lúlú mikið til. Það er gott að hafa nóg að gera því þá verður biðin ekki eins löng ...

Lúlú finnst gaman að telja. Bækurnar um kisuna Lúlú eru einstaklega fallegar myndabækur fyrir yngstu börnin. Í þessari bók eru tölurnar myndskreyttar, frá einum og upp í tíu. Heill heimur opnast þegar Lúlú lærir tölurnar.

Lúlú finnst gaman að lita. Dagurinn hjá Lúlú er fullur af litlum ævintýrum sem auðga ímyndunarafl ungra barna. Florence Helga er alin upp í Frakklandi en heldur tryggð við Ísland, land móður sinnar, með því að senda ungum Íslendingum fallegar og litríkar Lúlúsögur.

Höfundur: Hallveig Thorlacius

Martröð fjallar um Hrefnu, venjulega íslensk indjánastelpa, sem fer í ferðalag með foreldrum sínum til Mexíkó. Þar lendir hún í hringiðu glæpa og þarf að takast á við mafíuna í leit sinni að sannleikanum um það hvað varð um mexíkóska móður hennar. Þegar hún hittir ömmu sína tengist hún Mexíkó sterkum böndum.

Höfundur: P.L. Travers

Myndskreyting: Mary Shepard

Íslensk þýðing: Hallur Hermannsson

Hefur þú orðið þess heiðurs aðnjótandi að kynnast Mary Poppins? Þeir sem það hafa gert vita að hún er engin meðalkona og þeir vita líka að hún hefur lag á því að gera heiminn okkar skemmtilegri - og örlítið skringilegri en ella.

Stundum er haf og himinn milli lífsins í skólanum og heima fyrir og það eru ekki allir sem geta leitað skjóls heima hjá sér eftir taugatrekkjandi skóladag. Spennandi og áhrifarík saga um vináttu, einelti, sundrung og samstöðu eftir Iðunni Steinsdóttur sem á 25 ára rithöfundarafmæli um þessar mundir.

Myndskreyting: Freydís Kristjánsdóttir

Rammíslensk og nútímaleg sveitasaga fyrir alla þá sem hafa gaman af raunverulegum - og óraunverulegum sögum. Með hetjur á heilanum er fyrsta saga Guðjóns Ragnars Jónassonar en hann er kennari með M.Paed-próf í íslensku. Í lok hvers kafla eru orðskýringar og því er bókin tilvalin fyrir þá sem vilja auka orðaforða sinn.

Höfundur: Ragnar Gíslason

Það hefur ýmislegt drifið á daga Dagmarar og ekki tekur betra við í nýja skólanum. Hvað vildu þær eiginlega þessar svartklæddu stelpur sem ofsóttu hana nótt sem nýtan dag? Eru þær nornir í raun og veru? - Er vúdúgaldur eitthvað annað en meinlaus leikur? - Eru draumar Dagmarar bara martraðir eða ferðast hún virkilega um í tíma og rúmi?

Höfundur: Ragnar Gíslason

Bókin segir frá krökkum í Hafnarfirði sem finna beinaleifar auk fjársjóðs. Stundum er hættulegt að gramsa í fortíðinni og skyndilega lifna við dramatískir atburðir aftan úr forneskju. Ragnar Gíslason hefur unnið með ungu fólki í áraraðir. Hann hefur fengist mikið við skrif og hér lítur dagsins ljós hans fyrsta spennusaga fyrir unglinga.

Höfundur: Þórður Helgason

Myndskreyting: Karitas Pálsdóttir

Smári er sjö ára gamall strákur sem á heima í Reykjavík. Hann er næstum alveg eins og flestir aðrir sjö ára strákar, með tvær hendur, tvo fætur, tvö augu, tvö eyru, eitt nef og einn munn. Smári hefur bara einn galla. Hann kann ekki að segja S. Þess vegna getur Smári ekki sagt nafnið sitt rétt.

Myndskreyting: Lóa Hlín Hjálmtýsdóttir

Systurnar Snuðra og Tuðra eru hræðilega óþægar, skítugar og tættar. Hér rífast þær heiftarlega og fara meira að segja að slást svo Snuðra meiðir sig og þarf að fara til læknis. En þegar hún kemur heim breytist ýmislegt.

Myndskreyting: Lóa Hlín Hjálmtýsdóttir

Systurnar Snuðra og Tuðra eru óttalega óþægar og heimtufrekar og láta öllum illum látum ef þær fá ekki það sem þær vilja. Nú neita þær að borða matinn sinn og heimta bara eitthvað sem ekki er til.

Myndskreyting: Lóa Hlín Hjálmtýsdóttir

Snuðra og Tuðra eru miklir fjörkálfar en stundum býsna frekar og tillitslausar. Nú taka þær strætó í bæinn með mömmu sinni. Í biðskýlinu troðast þær fram fyrir gamla konu, mann með staf og konu með barn í fanginu og láta öllum illum látum. Loksins tekur strætóbílstjórinn til sinna ráða.

Myndskreyting: Lóa Hlín Hjálmtýsdóttir

Á sólbjörtum degi skoppa Snuðra og Tuðra með mömmu sinni í miðbænum. Það er margt sem freista og þær heimta ís og dót og sælgæti og hrópa í sífellu - kauptu, kauptu, kauptu! Loks þýtur Snuðra í burtu og týnist. Það er ekkert grín að villast í miðbænum innan um öll húsin og bílana.

Myndskreyting: Lóa Hlín Hjálmtýsdóttir

Það er mikið að gera hjá Snuðru og Tuðru. Þær þurfa að sinna brúðunum sínum og hafa varla tíma til að borða með fjölskyldunni. Þær koma og stinga upp í sig nokkrum bitum og hlaupa svo frá miðju borðhaldi! Einn góðan veðurdag heldur mamma garðveislu fyrir skyldfólkið og ber fram uppáhaldsmat þeirra systra, kjötbollur og kartöflumús. - Og nú reynir á systurnar að nota mannasiðina.

Myndskreyting: Lóa Hlín Hjálmtýsdóttir

Í sjónvarpinu er sífellt verið að auglýsa fína ofurdúkku og Snuðra og Tuðra horfa stóreygar á. Þær langar meira í hana en nokkuð annað í heiminum. Mömmu og pabba finnst hún allt of dýr en eyðslupúkinn hefur náð tangarhaldi á systrunum og tælir þær til vafasamra aðgerða.

Myndskreyting: Lóa Hlín Hjálmtýsdóttir

Fjörkálfarnir Snuðra og Tuðra hlakka til jólanna. Þær ætla að vera þægar og góðar, hjálpa til við að fina allt jóladótið, skreyta tréð og gera sig rosalega fínar áður en þær borða jólamatinn. Mamma snýst endalaust í kringum þær.

Höfundur: Hulda Ólafsdóttir

Myndskreyting: Jean Antoine Posocco. 

Karl Theódór er sólskinsbarn. Samt var svo mikil rigning daginn sem hann fæddist að fólkið í Keflavík, bænum þar sem hann bjó, hafði aldrei vitað annað eins ... Karli Theódór finnst gaman í leikskólanum og enn skemmtilegra þegar hann byrjar í 1.bekk. Hann hefur brennandi áhuga á öllu í kringum sig, hvort sem það er sandkassaleikur, lífið í skólanum, fótbolti eða heimsmálin.

Myndskreyting: Sara Rojo Pérez

Þýðing: Kristín Birgisdóttir

Sylvía er sjúk í ævintýri og langar til að hitta dreka!Oftast eru það bara prinsessur og gæsastúlkur sem komast í tæri við svoleiðis skrímsli og svo koma riddarar og bjarga þeim.

Höfundur: Ragnar Gíslason

Unnar, 13 ára, er lagður í einelti af skólafélögunum og Konni, besti vinur hans, er kominn í hjólastól eftir hörmulegt slys. Dularfull stúlka, Tara, nær sambandi við þá gegnum internetið og saman ferðast þau um ókannaðar víddir sem breyta tilveru þeirra allra á eftirminnilegan hátt.

Í litlu fiskiþorpi á Íslandi eru tveir bátar að fara í róður. Friðrik Örn fær að fara með öðrum þeirra. Friðrik afi hans veiðir á stöng. Haddi afi notar net til að veiða hrognkelsi, sem er ekki fallegasti fiskur í heimi. Bókin er skreytt fjölda ljósmynda frá Breiðafirði og í lok bókarinnar eru fræðslukaflar um þorskinn og hrognkelsið. Íslandsvinurinn Bruce Mcmillan er einnig höfundur hinna geysivinsælu og verðlaunuðu Hænur eru hermikrákur.

Höfundur: Moni Nilsson-Brattström

Þýðandi: Friðrik Erlingsson

Tsatsiki fer nú til Grikklands og kynnist pabba kolkrabba. Margt gerist hjá 7 ára strák, ástamálin fara að flækjast og kannski er Marteinn hlandrotta orðinn fyllirotta!

Höfundur: Rufus Butler Seder

Þetta er ótrúlegt! Valhoppandi hestur, vappandi hani, flögrandi fiðrildi. Hver síða er heilt ævintýri sem hægt er að skoða aftur og aftur. Í þessari einstöku hreyfimyndabók lifna dýrin við þegar blaðsíðunum er flett. Nýstárleg blanda af tækni og hugmyndaflugi sem heillar bæði börn og fullorðna.

Sögumaður: Heiðdís Norðfjörð

Þjóðsögur Jóns Árnasonar eru öllum Íslendingum vel kunnar og sama má segja um þau velvöldu ævintýri sem einnig er að finna á þessum vönduðu geisladiskum.

Höfundur: H.C. Andersen

Sögumaður: Heiðdís Norðfjörð

Tveir geisladiskar með völdum þekktum ævintýrum eftir ævintýraskáldið mikla H.C. Andersen i vönduðum flutiningi Heiðdísar Norðfjörð. Steingrímur Thorsteinsson íslenskaði.

Höfundur: H.C. Andersen

Sögumaður: Heiðdís Norðfjörð

Tveir geisladiskar með völdum þekktum ævintýrum eftir ævintýraskáldið mikla H.C. Andersen i vönduðum flutiningi Heiðdísar Norðfjörð. Steingrímur Thorsteinsson íslenskaði.